მიმდინარე წლის 19 ივლისს, გორის მუნიციპალიტეტის სოფელ არბოში, ნიკო ლომოურის სახლ-მუზეუმში, გაიმართა გორის სახელმწიფო უნივერსიტეტის მიერ ორგანიზებული ხელოვნების საერთაშორისო ფესტივალ „მაჩაბელის“ დახურვის ცერემონია.
ფესტივალის მესამე დღე გაიხსნა კინოპროდიუსერ და რეჟისორ ერდალ ქუჩუქის დოკუმენტური ფილმით "მაჭახელას ხეობის კულტურული მემკვიდრეობა" ჩვენება-განხილვით. რეჟისორმა ისაუბრა იმ პროექტის შესახებ, რომლის ფარგლებშიც მომზადდა ფილმი, ასევე ფილმის გადაღების პროცესისა და პერსონაჟების შესახებ.
ღონისძიების დასკვნითი ნაწილი დაეთმო ფესტივალის ფარგლებში მოწყობილ, მიშო ვანიშვილის სახელობის, ფოტოკონკურსს „ახალგაზრდა ხელოვანები მშვიდობისთვის“. ჟიურის წევრებმა გამოავლინეს კონკურსის გამარჯვებულები:
I ადგილი - მამია მაღალაშვილი, საქართველოს ტექნიკური უნივერსიტეტი;
II ადგილი - ზურაბ გოგოლაძე, გორის სახელმწიფო უნივერსიტეტი;
III ადგილი - ეთერ გოგიაშვილი, გორის სახელმწიფო უნივერსიტეტი.
გორის სახელმწიფო უნივერსიტეტის რექტორმა, პროფესორმა ალექსანდრე მღებრიშვილმა შეაჯამა მესამე დღე და ფესტივალის მონაწილეებს გადასცა სპეციალური საჩუქრები.
ხელოვნების საერთშორისო ფესტივალი „მაჩაბელი“ უკვე მესამედ განხორციელდა, რომლის ფარგლებში დაგეგმილ ღონისძიებებში აქტიურად იყვნენ ჩართულები უნივერსიტეტის სტუდენტები.