მიმდინარე წლის 7 მარტს USAID სამართლის უზენაესობის პროგრამის ორგანიზებით, გორის სახელმწიფო უნივერსიტეტში გაიმართა შეხვედრა, რომელიც მიზნად ისახავდა აშშ-ს მოქმედი მოსამართლის სემინარების და სხვადასხვა აქტივობების გამართვას გორის სახელმწიფო უნივერსიტეტში სამართლის სამაგისტრო და საბაკალავრო საგანმანათლებლო პროგრამების სტუდენტებისთვის, სამი თვის განმავლობაში.
სტუმრებს შეხვდა გორის უნივერსიტეტის რექტორი, პროფესორი ალექსანდრე მღებრიშვილი, იურიდიული სამსახურის უფროსი დავით კვერნაძე, საერთაშორისო ურთიერთობების სამსახურის უფროსი ზურაბ ზურაბაშვილი, ხარისხის მართვის სამსახურის უფროსი, პროფესორი ლევან მიდოდაშვილი და პრაქტიკული სამართლის კლინიკის ხელმძღვანელი ივანე ბალახაშვილი.