2023 წლის 22 თებერვალს გორის სახელმწიფო უნივერსიტეტის ბიზნესის ადმინისტრირების კათედრის ორგანიზებით ჩატარდა გორის სახელმწიფო უნივერსიტეტის სტუდენტთა მეოთხე სამეცნიერო კონფერენცია - „ეკონომიკა და ბიზნესი: გამოწვევები და პერსპექტივები“. კონფერენციაში მონაწილეებს მიესალმნენ და წარმატებები უსურვეს სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანმა, პროფესორმა მარიკა შერაზადიშვილმა და ბიზნესის ადმინისტრირების კათედრის ხელმძღვანელმა, პროფესორმა თეა ხორგუაშვილმა. კონფერენციაზე წარმოდგენილი გახლდათ 28 ავტორის/თანაავტორის 24 მოხსენება.