30 ივნისს გორის უნივერსიტეტში გაიმართა შეხვედრა შიდა ქართლის რეგიონის დამსაქმებლებსა და კურსდამთავრებულებთან. უნივერსიტეტის რექტორმა, პროფესორმა გიორგი სოსიაშვილმა მიმოიხილა გორის უნივერსიტეტის 2013-2014 სასწავლო წლის მიღწევები, ისაუბრა უნივერსიტეტის სასწავლო პროგრამების განვითარებაში დამსაქმებლებისა და კურსდამთავრებულების ჩართულობის მნიშვნელობაზე, რამაც კურსდამთავრებულები  კონკურენტუნარიან ბაზარზე უნდა გაიყვანოს. სტუმრებმა შეავსეს  კითხვარები, სადაც გამოხატეს თავიანთი აზრი და სურვილი  თითოეული პროგრამის მიმართ.

მსგავსი შეხვედრები სისტემატურ ხასიათს ატარებს, დაიგეგმა სამომავლო თანამშრომლობის  კონკრეტული გზები.

შეხვედრის დასასრულს უნივერსიტეტის რექტორმა გორის უნივერსიტეტთან აქტიური თანამშრომლობისათვის  34 ორგანიზაციის ხელმძღვანელს  მადლობის სიგელები გადასცა.