მიმდინარე წლის 24 მაისს, გორის სახელმწიფო უნივერსიტეტში განათლების, ზუსტ და საბუნებისმეტყველო მეცნიერებათა ფაკულტეტის ინიციატივით, პროექტის - „დავიცვათ საქართველოს სისუფთავე“, ფარგლებში, ორგანიზაცია „ორქისის“ წარმომადგენლებმა სტუდენტებთან გამართეს სემინარი გარემოს დაბინძურების, ადამიანის ჯანმრთელობის, ნარჩენების მართვის, მდგრადი განვითარების მიზნების, ბიომრავალფეროვნებისა და კლიმატის ცვლილების ადაპტაციის საკითხებზე.
თემატური პრეზენტაციები წარადგინეს ორგანიზაცია „ორქისი“-ს ექსპერტებმა - ნონა ხელაიამ და ქიმიურ მეცნიერებათა დოქტორმა, ნუგზარ ბუაჩიძემ.
სემინარის მეორე ნაწილი დაეთმო დიკუსიას, რომელშიც აქტიური მონაწილეობა მიიღეს პროფესორებმა: თინათინ იოსებიძემ, ნელი გოგინაშვილმა; განათლების, ზუსტ და საბუნებისმეტყველო მეცნიერებათა ფაკულტეტის დეკანმა, პროფესორმა ლელა ალექსიძემ და სტუდენტებმა.
სემინარის დასასრულს, ორგანიზაცია "ორქისის“ ადმინისტრაციის ხელმძღვანელმა ნინო კუჭავამ სტუდენტებს გადასცა შესაბამისი სერტიფიკატები.