მიმდინარე წლის 14 მარტს, გორის სახელმწიფო უნივერსიტეტის გიორგი მახარობლიძის სახელობის ლიტერატურულ კაფეში გაიმართა საღამო - ,,ერთი ნაცნობი და შვიდი უცნობი ამბავი“.
ღონისძიებაზე წარმოდგენილი იყო მივიწყებული და ამავე დროს საინტერესო ფოლკლორული ამბები, რომელთაც გარკვეული ისტორიული ფაქტები აკავშირებდათ ღონისძიებაზე გაჟღერებულ ხალხური მუსიკის ნიმუშებთან.
საღამო მიჰყავდა მუსიკოსს, ნიკოლოზ ღვინიაშვილს.
მასთან ერთად ტრადიციული, ქართული ხალხური სიმღერები წარმოადგინეს გუნდის წევრებმა: ნიკა ნებიერიძემ, გიორგი მამესწარაშვილმა, გაგა აბუაშვილმა, ლევან ბლუაშვილმა.
ღონისძიებას ესწრებოდნენ მუსიკითა და ფოკლორით დაინტერესებული ქ. გორის საზოგადოების და გორის სახელმწიფო უნივერსიტეტის წარმომადგენლები, სტუდენტები.