2025 წლის 27 მაისს, გორის სახელმწიფო უნივერსიტეტში გაიმართა საინფორმაციო შეხვედრა, რომელშიც მონაწილეობა მიიღეს საქართველოს ფინანსთა სამინისტროს საგამოძიებო სამსახურის წარმომადგენლებმა. შეხვედრის ძირითადი თემა იყო ანაზღაურებადი სტაჟირების პროგრამის წარდგენა და დეტალური ინფორმაციის მიწოდება სტუდენტებისთვის.
 მონაწილეებს და სტუმრებს მისასალმებელი სიტყვით მიმართა უნივერსიტეტის ადმინისტრაციის ხელმძღვანელმა დავით კვერნაძემ, რომელმაც ხაზგასმით აღნიშნა, რომ მსგავსი ტიპის შეხვედრები მნიშვნელოვანი პლატფორმაა სტუდენტებისთვის, რათა მათ პროფესიული მიმართულებით რეალური და პრაქტიკული გამოცდილება შეიძინონ.
სტუდენტებს შეხვდნენ:
▪️ იოსებ ვარძელაშვილი — საგამოძიებო სამსახურის უფროსის მოადგილე.
▪️ ლევან ძნელაძე — საგამოძიებო დეპარტამენტის უფროსი.
შეხვედრაზე საუბარი შეეხო:
სამსახურის მანდატსა და საქმიანობის სპეციფიკას;
სტაჟირების პროგრამის პირობებს;
შესარჩევი კონკურსის სამეტაპიან პროცესს.
როგორც შეხვედრაზე აღინიშნა, სტაჟირების მთავარი მიზანია ახალგაზრდებისთვის პროფესიულ საქმიანობაში წარმატებული ინტეგრაცია, პრაქტიკული გამოცდილების შეძენა და კარიერული ზრდის ხელშეწყობა.
დასასრულს, სტუდენტებმა დასვეს მათთვის მნიშვნელოვანი კითხვები, რომლებზეც ამომწურავი პასუხები მიიღეს.